Dularfull óvissuferð

Eldsnemma í fyrramálið fæ ég og mín kjereste símtal.  Ég veit að við fáum símtalið en ekki frá

hverjum.  Okkur verður sagt hvert við eigum að fara.  Fyrir mánuði síðan fengum við ómerkt og óundirritað boðskort um að okkur væri boðið í óvissuferð.  Dagurinn er runninn upp og við höfum ekki guðmund um það hver bauð okkur.  Spennandi... eða e.t.v. dálítið krípí.  Hvað ef þetta er bara hrekkur eða einhver brjálæðingur ætlar að ræna okkur?  Hljóma ég paranoid?

Á maður að fara í svona ferð vitandi ekki neitt hver lagði á ráðin og hvað er í vændum?  Jú, annað væri púkó.  Við tökum stökkið.  Ég lofa ferðasögu komist ég aftur heim.  dadodado...darumdarumm..twilight zone...

 

 

 

 

 

Athugasemdir

[Guðrún María Óskarsdóttir., 28.9.2007 kl. 02:24]

Spennandi, vonandi hafið þið gaman af.

kv.gmaria.

[Svanur Sigurbjörnsson, 28.9.2007 kl. 03:10]

Takk Guðrún María

[Margrét St Hafsteinsdóttir, 28.9.2007 kl. 12:10]

Þetta er bara spennandi og verður gaman að lesa um ferðasöguna hérna þegar þið komið til baka. Svona til öryggis ætla ég að senda ykkur verndarengil sem passar ykkur í ferðinni

Annars, góða ferð og góða skemmtun

[Kobbi kviðrista (IP-tala skráð) 28.9.2007 kl. 17:24]

Þetta verður stuð hjá okkur

[Sigrún (IP-tala skráð) 28.9.2007 kl. 20:21]

hehehehehhe ég veit hvert þú ert að fara !!! og hvar þið eruð múhahahha

Soffía snillingur ;)  Vonandi er rosa gaman hjá ykkur :)

[Svanur Sigurbjörnsson, 1.10.2007 kl. 00:19]

He he

Ég er endurheimtur frá Hollandi, eftir að hafa andað að mér hassi (óbeint) og farið hjólandi út að borða.  Þá sá ég karlmenn pissa á þar til gerðum pissustöndum á miðju torgi í miðbæ Amsterdam og "bláar" konur bjóða sig til sölu í rauðum gluggabásum.  Kaffihúsin eru í raun reykhús þar sem "grasið" er reykt.   Þá voru þarna búðir með "magical mushrooms".   Ákaflega líbó allt saman. 

Húsin voru skemmtilega skökk og sjarmerandi.  Fólkið hresst og brosandi. 

Kærastan rændi mér sem sagt til Amsterdam og þar vorum við í góðu yfirlæti hjá vinum okkar Öddu og Elmari og mesta krútti jarðar, Alvildu Eyvör.   Danke weil..  :-)  ...meira síðar

[Margrét St Hafsteinsdóttir, 1.10.2007 kl. 23:10]

Gaman að heyra um óvissuferðina og ég hlakka til að lesa ferðasöguna. Sniðugt af kærustinni þinni að ræna þér