Klukkið mitt

Ég var klukkaður af Margréti St Hafsteins og gat ekki skorast undan.  Hér rek ég út úr mér garnirnar:

Fjögur störf sem ég hef unnið um Ævina

1 - Spýtnakofa - og kassabílagerð við Melaskóla (þegar ég var unglingur)

2 - Póstútburður, póstflokkun, röðun í póstbox og upptaka úr póstpokum  (líka unglingur)

3 - Líkamsræktarþjálfari - kenndi hvernig pumpa á stálið 

4 - Söfnun sýna frá legvatni og naflastrengjum kvenna sem urðu fyrir mengun frá 9/11 New York.

p.s. ég fékk leyfi frá konunum

Fjórar Bíómyndir sem ég held upp á

1 - On the Waterfront (1954).  - hef ótrúlega nostalgíu fyrir þessari fallegu mynd.

2 - American beauty  - lætur engan ósnortinn.

3 - Cidade de Deus - uppeldissaga krimma í Rio - mögnuð frásögn.

4 - The Contender (2000) - kona með hugsjónir verður varaforseti USA

p.s. púff þetta er erfitt val því margar eru kallaðar.  Hér er listinn minn á IMDb.com

Fjórir staðir sem ég hef búið á

1 - Reykjavík (Vesturbær: Hringbraut, Brávallagata, Rekagrandi)

2 -  Reykjvík (Austurbær: Stórholt)

3 -  Manhattan, New York (Wash. Heights og Spanish Harlem)

4 -  Mosfellsbær (Teigar)

Fjórir sjónvarpsþættir sem mér líkar

1 -  Boston Legal.  Alan Shore kryfur mannréttindin og Denny Crane sér um fíflaganginn.

2 - Cosmos:  Carl Sagan með undursamlega þætti um himingeiminn

3 - Næturvaktin:  Bestu íslensku leiknu þættirnir sem ég man eftir.

4 - Real Time with Bill Maher.  Þáttur á HBO í USA.  Beittur háðsfugl með skarpa sýn á stjórnmál í ljósi mannréttinda og frelsis.  Langbesti viðtalsþáttur sem ég sá í USA.  Því miður ekki sýndur hér.

 

Fjórir staðir sem ég hef heimsótt í fríium

1 - San Fransisco:  Líklega fallegasta borg USA.

2 - Selva: stærsta skíðasvæði alpanna staðsett í  Norður-Ítalíu.  Magnaður staður.

3 - Jaipur, Indlandi

4 - Milford Sound, Nýja-Sjálandi

p.s. allt of fáir möguleikar

Fjórar síður sem ég skoða daglega fyrir utan blogg

1 - mbl.is

2 - msn.com / newyorktimes.com

3 - humanism.org.uk

4 - wikipedia.org

p.s. Ég skoða nær engar síður daglega, en þessar skoða ég helst. (stolin setning frá Margréti )

Fernt sem ég held upp á matarkyns

1 - Piparsteik  og rautt

2 - Indverskur matur hvers kyns

3 - Sushi

4 - Svið, harðfiskur, ýsa og kartöflur

p.s. Pepsi Max og Faustino I  .

Fjórar bækur sem ég hef lesið oft

1 - Tarzan - las nær allar sem til voru sem krakki.  Algert basic.  Fyrstu bókina las ég nokkrum sinnum.

2 - Call of the Wild (Óbyggðirnar kalla) eftir Jack London.  Bæði á íslensku og ensku.

3 - Hobbit (íslensku og ensku)

4 - Siðfræði lífs og dauða.  Frábær bók Vilhjálms Árnasonar sem opnaði margt nýtt fyrir mér.

p.s. maður gluggar oft í ýmsar bækur, en það telst ekki heill lestur

Fjórir bloggarar sem ég klukka

Kristinn (Andmenning), Sigurður Rósant, Astan (Ásta Kristín Norrman) og Sigurlín Margrét

Nú hef ég lokið mínu klukki þökk sé Margréti St. hinni kyngimögnuðu.

Athugasemdir

[Kristinn Theódórsson, 10.9.2008 kl. 09:45]

Takk fyrir klukkið

Sá að Almost Famous er næstum efst á IMDB listanum þinum. Ég verð að hrósa þér fyrir það, sú mynd er sérdeilis sjarmerandi og hugguleg, nokkuð vanmetinn held ég.

Tarzan bækurnar voru frábær strákaafþreying, skyldu núverandi kynslóðir detta í þá ritröð? Ég man að í þeirri fyrstu og a.m.k. einni til gerðust hlutirnir örlítið kynferðislegir milli Tarzan og einhverra kvenna. Þá roðnaði maður á bakvið bókina 9 ára eða svo.

Og Billy Maher, það er snillingur! Á eina mynd með honum, og svo er hann að koma með myndina Religulous, verður gaman að sjá.

Pepi Max!? Svanur, ojbara

mbk,

[Svanur Sigurbjörnsson, 10.9.2008 kl. 13:17]

He he takk fyrir góð viðbrögð Kristinn.

Pepsi Max, því ekki?

Þú segir nokkuð varðandi Tarzan.  Pínu skógarrómatík skemmdi ekki þó að maður hefði aldrei viðurkennt að slíkt höfðaði til manns á þeim aldri.  Réttlætiskennd Tarzans höfðaði sterkt til mín.  Hann lét allar bleyður og gráðugt lið kenna á því.  Mér hefur aldrei fundist nein kvikmynd ná almennilega þeim anda sem ríkti í bókunum.  Kannski ætti Peter Jackson að spreyta sig á honum en ég held að Ridley Scott væri heppilegri.

Þú segir fréttir - ég hlakka til að sjá þessa mynd Mahers.  Ég stenst aldrei brandarana hans.  Hann tekur alla afturhaldsseggi svo rækilega í gegn með óborganlegu háði.   Hann bauð nokkrum sinnum konu (man ekki nafnið hennar) í þáttinn sinn sem er fyrrverandi forsætisráðherra Kanada, svona til  að reyna að koma vitinu fyrir Bandaríkjamenn.  Það var unun að hlusta á hana. 

[Svanur Sigurbjörnsson, 10.9.2008 kl. 13:22]

Já ég gleymdi

Almost Famous er í miklu uppáhaldi hjá mér og hef ég horft nokkuð oft á hana.  Hún er svo dásamlega einlæg og mennsk.   Leikararnir fara á kostum í henni og tónlistin er frábær.  Ég á soundtrackið og hef hlustað mikið það, enda perlur þar sem heyrast ekki svo oft, t.d. instrumental lagið með The Who.  Ég veit ekki um neina aðra mynd sem fangar eins vel tíðarandann á þessum árum í kringum rokkið.  Algerlega ein af topp 10 kvikmyndum hjá manni. 

[Margrét St Hafsteinsdóttir, 11.9.2008 kl. 19:23]

Skemmtilegt klukkið þitt Svanur!

Ég elska Bill Maher! Vildi svo sannarlega að við fengjum þættina hans hingað. Hann er langbestur.

Varðandi Tarzan og eins og Kristinn segir .......strákabækur, þá mótmæli ég hástöfum!! Ég las þær allar!  voru uppáhaldsbækurnar mínar þegar ég var stálpaður krakki Ég las allt öðru vísi bækur en jafnöldrur mínar Enda átti móðurafi minn risastórt bókasafn og ég fór oft til hans að fá lánaðar bækur.  Ég á sjálf gott bókasafn og sem dæmi á ég allar bækurnar eftir Jack London sem voru þýddar á íslensku