Eins og sauðir í rétt

Það er dapurt að sjá nýkjörna þingmenn láta leiða sig samkvæmt kröfu hefðarinnar til kirkju fyrir þingsetningu.  Alþingi á að vera óháð trúarbrögðum og verndun Þjóðkirkjunnar skv. stjórnarskrá er tímaskekkja.  Þeir alþingismenn sem vilja fara í messu fyrir setningu Alþingis geta gert það á eigin vegum.  Til þess að Ísland nái fullum þroska í mannréttindamálum þarf að breyta þessu. 

Þingmenn ganga til kirkju

Athugasemdir

[Kolbrún Stefánsdóttir, 4.6.2007 kl. 18:49]

Sæll Svanur. Ég er alveg sammála þér en mér finnst þetta  bara svo hlægilegt að sjá þetta þó ég hefði sjálfsagt farið með þessari hersingu ef ég hefði komist á þing. Ég hefði samt eins og þú viljað breyta þessu eins og svo mörgu öðru í okkar samfélagi. Þakka þér góða viðkynningu í kosningabaráttunni og gangi þér allt í haginn.

[Margrét St Hafsteinsdóttir, 4.6.2007 kl. 20:40]

Sæll Svanur. Ég er þér alveg sammála. Finnst þetta asnalegt. Tengja þingsetningu við messu í kristinni kirkju. Ætti frekar að vera athöfn á Austurvelli sem dæmi, þar sem fólk gæti fagnað með þingmönnunum óháð trú og trúarbrögðum.

[Ásta Kristín Norrman, 5.6.2007 kl. 13:08]

Sammála Svanur! Það væri hægt að gera þetta að skemmtilegri hátíðarstundu sem almenningur gæti verið vitni að. Þetta er virkileg tímaskekkja eins og þingsetning er núna.

[Svanur Sigurbjörnsson, 5.6.2007 kl. 14:49]

Sælar.  Já auðvitað er alltaf spurning um ákveðið umburðarlyndi og virðingu fyrir lögum, en í þessu tilviki er um atvinnu þinmanna að ræða og því ætti ekki að vera krafa um að þeir fari í kirkju fyrir setningu þingsins.  Það er heldur ekkert í lögum um þetta.  Ég frétti að einn maður úr þingflokki Samfylkingarinnar hefði ekki fariði í kirkjuna til þess að mótmæla ákvörðun prestaþings um að styðja ekki frumvarp um frelsi trúfélaga til að gefa saman samkynhneigða.  Í sjálfu sér er það ágætt en það er bara sjálfsagt að hann fari ekki í kirkjuna. 

Já hvernig væri að hafa stutta opinbera athöfn á Austurvelli sem þingmenn eða forseti stýrði? 

[Svanur Sigurbjörnsson, 5.6.2007 kl. 19:40]

Takk sömuleiðs Kolbrún.  Ég fór úr xÍ 4 vikum fyrir kosningar en ég hef lært margt í pólitík undanfarið ár.  Ég hjó eftir því að þú vildir leggja meiri áherslu á aðskilnað ríkis og kirkju innan xF og þótti mér það ánægjulegt.  Farnist þér vel í þinni baráttu, fyrir því og öðru.

[Svanur Sigurbjörnsson, 6.6.2007 kl. 13:09]

Ég þarf að leiðrétta mig hér.  Það var þingmaður úr Vg sem fór ekki í kirkjuna (Atli), ekki úr xS.  Afsakið.