Óbrigðul réttlætisást

Viljum við leiðtoga eftir 25. apríl sem gætir þeirra sem eiga undir högg að sækja í þjóðfélaginu eða viljum við leiðtoga sem elur á ótta um að eigendur fyrirtækja fái ekki nægilega gott skattaumhverfi.  Þetta er nokkurn veginn munurinn á Jóhönnu og Geir eða ráðherra úr röðum xS/xVg eða xD/xB.  Hinn blái ráðherra segist ala önn fyrir öllum stéttum, en talar fyrst og fremst til hinna sterku og auðugu eða þeirra sem stefna þangað.  Ráðherra jafnaðarstefnu gætir fyrst að því að hinir efnalitlu og veiku fái aðhlynningu og sanngjörn tækifæri til að ná lágmarks lífsgæðum í formi húsaskjóls og viðráðanlegs matarverðs auk heilbrigðisþjónustu.  Hlutverk ríkisins er ekki að hjálpa sérstaklega einkaframtaki, heldur byggja upp þjónustukerfi (menntun, heilbrigði, samgöngur o.fl.) og gæta að jafnrétti og vernd gegn glæpum. 

Jóhanna Sigurðardóttir gerir vel í því að láta þetta álit í ljós á siðlausri arðgreiðslu til hluthafa HB Granda þegar verkamenn tóku á sig launaskerðingu.  Þannig sýnir hún forystu í því að bæta siðferði landsmanna.  Þjóðin þarf þannig leiðtoga.

Siðlausir eigendur

Athugasemdir

[Guðjón Sigþór Jensson, 17.3.2009 kl. 15:55]

Þetta mál hefur feliri en eina hlið. Sjá færslu mína.

Mosi

[Predikarinn - Cacoethes scribendi , 17.3.2009 kl. 16:10]

Þá er rétta skrefið næst að banna alla vesti á sparifjárbækur í bönkunum svo það verði eitthvert samræmi í þessu. Eiga ekki allir að vera jafnir fyrir þessu ?

[Guðmundur St Ragnarsson, 17.3.2009 kl. 16:15]

Þjóðin þarf ekki leiðtoga sem lítur á ESB sem lausnina við öllum vandamálum landsins. Vonandi áttar þjóðin sig á því!

Kveðja,

Muggi.

[Svanur Sigurbjörnsson, 17.3.2009 kl. 16:26]

Vaxtatekjur eða argreiðslur úr fyrirtæki sem hefur beðið launafólk sitt að hjálpa sér með því að hætta við launahækkun?  Ég sé ekki hvað er líkt með þessu Predikari.  Ert þú siðblindur líka eða kynnirðu þér ekki málin áður en þú predikar?

Hvar í ósköpunum heldur Jóhanna því fram að ESB sé lausn á öllum vanda þjóðarinnar?  Vinsamlegast haltu þig við staðreyndir Muggi. 

[Svanur Sigurbjörnsson, 17.3.2009 kl. 16:34]

Guðjón Sigþór - Mosi

Þú bendir á að hluthafarnir hafi minnkað arðgreiðslu sína úr 12% í 8% í blogginu þínu. 

Það á hreinlega ekki að greiða út nokkurn arð fyrr en búið að er greiða umsömd laun til verkafólksins.  Skuldir fyrst, svo arður.  Þannig gerir allt sómasamlegt fólk kaupin á Eyrinni.

[Hildigunnur Rúnarsdóttir, 17.3.2009 kl. 19:07]

Að greiða út arð á meðan ekki er hægt að greiða umsamin laun er fullkomlega óviðunandi. Það er bara svo einfalt.

[Guðmundur St Ragnarsson, 17.3.2009 kl. 20:42]

Svanur staðreyndin er þessi og það sást vel í Silfri Egils. Þegar jafnaðarmaður er spurður um lausnir í þessari gríðarlegri kreppu sem við erum í er alltaf sama svarið: "ESB". Egill Helgason sér þetta líka svo ég er greinilega ekki sá eini! Þetta var að vísu ekki Jóhanna heldur annar forystumaður, Árni Páll.

Verum málefnalegir og tölum ekki í upphrópunum kæri doktor!

[Svanur Sigurbjörnsson, 19.3.2009 kl. 12:27]

Sæll Guðmundur

Ef að þú vilt ekki heyra um ESB þá fer það í taugarnar á þér, en ef að þú hlustar á þær röksemdir sem eru færðar fram þá ætti það væntanlega að vekja þig til umhugsunar.  Árni Páll talar mikið um ESB og e.t.v. of mikið en hann er sannfærður um að kostirnir séu mun meiri en gallarnir við inngöngu í sambandið þannig að hann vill hamra á þessu. 

Já verum málefnalegir - tölum um kosti og galla við aðild, en sópum ekki umræðuefninu út af borðinu. 

[Margrét St Hafsteinsdóttir, 19.3.2009 kl. 20:19]

Hæ Svanur.

Ömurleg þessi arðgreiðsla á meðan starfsfólkið á sinum lágu launum afþakkaði launahækkun til að styðja fyrirtækið sitt.   Svo mikið siðleysi hér á landi

[TARA, 21.3.2009 kl. 12:19]

Ég er sammála Jóhönnu og finnst frábært að hún láti álit sitt í ljós án þess að hugsa um hvað atvinnurekendum finnst um hana...þannig leiðtoga viljum við...hún reynir þó að standa með lítilmagnanum, en það er meira en margir aðrir hafa gert. Áfram Jóhanna...